ದಾಖಲಾತಿ ದಾಖಲೆಗಾಗಿ

ಊರ ಪಟೇಲ್ರು, ಶ್ಯಾನುಭೋಗರು, ಗೌಡತಿಯಮ್ಮನೋರು, ಧುರೀಣರು, ಎಲ್ಲ ಪಂಚೆ ಸೀರೆ ಉಟ್ಟು ಕಂಗೊಳಿಸಿದ್ದೇ ಕಂಗೊಳಿಸಿದ್ದು. ಇದೇನಿದು ಊರ ಮಕ್ಕಳೆಲ್ಲ ಹೀಗೆ ಮಿರಿ ಮಿರಿ ಮೀಂಚತಾವ್ರೆ ಅಂತ ನೋಡಿದ್ರೆ ಅದು ನಮ್ಮೂರ ಶಾಲೆಗಾಗಿ ನಡೆದ ವಿನೂತನ ಪ್ರಯತ್ನ…

ಹುಣಸೂರು. ಗಂಧದಬೀಡು. ಸಿಂಗಮಾರನಹಳ್ಳಿ ಹಲವು ವಿಶೇಷತೆಗಳಿಗೆ ನಾಂದಿ ಹಾಡಿರುವ ಕ್ಲಸ್ಟರ್. .ಇಲ್ಲಿರುವ ದೇವಗಳ್ಳಿ ಸರ್ಕಾರಿ ಹಿರಿಯ ಪ್ರಾಥಮಿಕ ಶಾಲೆ ತನ್ನದೇ ವೈಶಿಷ್ಟ್ಯಪೂರ್ಣ ಚಟುವಟಿಕೆಗಳಿಂದ ತನ್ನ ಛಾಪು ಮೂಡಿಸುತ್ತಲೇ ಇದೆ. ಶಾಲೆಯ ಚಟುವಟಿಕೆಗಳಲ್ಲಿ ವಿಶೇಷತೆ, ಬೋಧನೆಯಲ್ಲಿ ತಾಂತ್ರಿಕತೆ, ಇಡುವ ಪ್ರತಿ ಹೆಜ್ಜೆಯೂ ಸಹ ವಿನೂತನವಾಗಿಯೇ ಇಡಲು ಪ್ರಯತ್ನಿಸುವ ಇಲ್ಲಿನ ಶಿಕ್ಷಕರ ತಂಡ ಈಗಾಗಲೇ ದಾಖಲಾತಿಗಾಗಿ ಹಲವು ವಿನೂತನ ಪ್ರಯತ್ನಗಳನ್ನು ಮಾಡುತ್ತಿದೆ.