ಮುದ್ದು ಮುದ್ದು ಮುದ್ದನಹಳ್ಳಿ

 ಅಡಿಗಡಿಗೂ ಕಲಿಕೆ. ಹೆಜ್ಜೆ ಹೆಜ್ಜೆಯೂ ವಿಶೇಷ. ಇಲ್ಲಿನ ಪರಿಮಳದ ಘಮಲು ಊರಿಗೆಲ್ಲಾ ಪ್ರೇರಣೆ. ಅಲ್ಲಾ ಅಲ್ಲಾ ತಾಲೂಕು, ಜಿಲ್ಲೆಯ ಗಡಿ ದಾಟಿ, ನೆರೆ ಹೊರೆ ಜಿಲ್ಲೆಗೂ ಪ್ರೇರಣೆ ಆಗಿದೆ. ರಾಜ್ಯಮಟ್ಟದ ವೇದಿಕೆಗಳಲ್ಲಿ ಚರ್ಚೆ ಆಗುತ್ತಿದೆ.

ಇಂತಹ ವಿಶೇಷತೆಗಳೇನು ಎಂದು ಎಣಿಸುತ್ತಿದ್ದೀರಾ. ಅದನ್ನೇ ಹೇಳುವ ಅಂತ  ಈ ಬ್ಲಾಗ್ ಬರಹ ನಿಮ್ಮ ಮುಂದೆ ಇಡುತ್ತಿದ್ದೇವೆ. ಇಲ್ಲಿ ಅವುಗಳನ್ನು ಒಂದೊಂದಾಗಿ ಹೇಳುವ ಎಂದೆನಿಸಿದೆ.

ದಾಖಲಾತಿ ದಾಖಲೆಗಾಗಿ

ಊರ ಪಟೇಲ್ರು, ಶ್ಯಾನುಭೋಗರು, ಗೌಡತಿಯಮ್ಮನೋರು, ಧುರೀಣರು, ಎಲ್ಲ ಪಂಚೆ ಸೀರೆ ಉಟ್ಟು ಕಂಗೊಳಿಸಿದ್ದೇ ಕಂಗೊಳಿಸಿದ್ದು. ಇದೇನಿದು ಊರ ಮಕ್ಕಳೆಲ್ಲ ಹೀಗೆ ಮಿರಿ ಮಿರಿ ಮೀಂಚತಾವ್ರೆ ಅಂತ ನೋಡಿದ್ರೆ ಅದು ನಮ್ಮೂರ ಶಾಲೆಗಾಗಿ ನಡೆದ ವಿನೂತನ ಪ್ರಯತ್ನ…

ಹುಣಸೂರು. ಗಂಧದಬೀಡು. ಸಿಂಗಮಾರನಹಳ್ಳಿ ಹಲವು ವಿಶೇಷತೆಗಳಿಗೆ ನಾಂದಿ ಹಾಡಿರುವ ಕ್ಲಸ್ಟರ್. .ಇಲ್ಲಿರುವ ದೇವಗಳ್ಳಿ ಸರ್ಕಾರಿ ಹಿರಿಯ ಪ್ರಾಥಮಿಕ ಶಾಲೆ ತನ್ನದೇ ವೈಶಿಷ್ಟ್ಯಪೂರ್ಣ ಚಟುವಟಿಕೆಗಳಿಂದ ತನ್ನ ಛಾಪು ಮೂಡಿಸುತ್ತಲೇ ಇದೆ. ಶಾಲೆಯ ಚಟುವಟಿಕೆಗಳಲ್ಲಿ ವಿಶೇಷತೆ, ಬೋಧನೆಯಲ್ಲಿ ತಾಂತ್ರಿಕತೆ, ಇಡುವ ಪ್ರತಿ ಹೆಜ್ಜೆಯೂ ಸಹ ವಿನೂತನವಾಗಿಯೇ ಇಡಲು ಪ್ರಯತ್ನಿಸುವ ಇಲ್ಲಿನ ಶಿಕ್ಷಕರ ತಂಡ ಈಗಾಗಲೇ ದಾಖಲಾತಿಗಾಗಿ ಹಲವು ವಿನೂತನ ಪ್ರಯತ್ನಗಳನ್ನು ಮಾಡುತ್ತಿದೆ.

ಥರ ಥರ ಭೀತಿ ಹೋಗಲಾಡಿಸಿದ ತರಬೇತಿ

ಡಯಟ್ ಮೈಸೂರಿನಲ್ಲಿ ನಡೆದ ವಿವಿಧ ತರಬೇತಿಯ ಚಿತ್ರಣಗಳು